Kuvendi i Kosovës të enjten duke filluar nga ora 10:00 do të mbajë seancë plenare.
Në këtë seancë në rend dite do të jenë pikat e papërfunduara nga seancat e kaluara.
Në mesin e shumë pikave, si pikë e rendit të ditës do të jetë Miratimi i Deklaratës në mbështetje të Rezolutës së Parlamentit Evropian e datës 19 tetor 2023 mbi zhvillimet e fundit në dialogun Serbi-Kosovë, përfshirë situatën në komunat veriore të Kosovës (2023/2880(RSP) pikë kjo nga seanca e veçantë e paraparë të mbahet më 27 tetor dhe e shtyrë më 2 nëntor.
Pikat tjera në rend dite:
I. Pika e papërfunduar nga Seanca plenare, e mbajtur më 19 tetor dhe 2 nëntor 2023:
- Formimi i Komisionit Ad-hoc për përzgjedhjen e kandidatëve për dy (2) anëtarë të Bordit për Ankesa të Mediave.
III. Pikat e papërfunduara nga Seanca plenare, e mbajtur më 3 nëntor 2023:
- Votimi i Propozim-Rezolutës për mbështetjen urgjente financiare të Policisë së Kosovës,
- Votimi i Projekt-Rezolutës nga debati parlamentar në lidhje me nevojën për ngritjen e koeficientit të pagave,
- Shqyrtimi i dytë i Projektligjit nr.08/L-208 për Parqet Industriale dhe Teknologjike,
- Shqyrtimi i dytë i Projektligjit nr.08/L-237 për kadastër të pronës së paluajtshme,
- Shqyrtimi i parë i Projektligjit nr. 08/L-257 për Administrimin e Procedurave Tatimore,
- Shqyrtimi i parë i Projektligjit nr.08/L-258 për promovimin e përdorimit të burimeve të ripërtërishme të energjisë,
- Shqyrtimi i rekomandimeve lidhur me Raportin e Auditorit të Përgjithshëm për Raportin Vjetor Financiar të Buxhetit të Republikës së Kosovës, për vitin 2022,
- Zgjedhja e 2 anëtarëve të Komisionit të Pavarur të Mediave,
- Zgjedhja e 1 anëtari të Bordit të Radiotelevizionit të Kosovës, nga radha e komunitetit serb,
- Miratimi i buxhetit të Komisionit Hetimor Parlamentar në lidhje me rastet e dhunës seksuale dhe dhunës në familje,
- Shqyrtimi i Projekt-Deklaratës për raportet e Republikës së Kosovës me Shtetet e Bashkuara të Amerikës.