Deputetët e Kuvendit të Kosovës do të mblidhen këtë fundjavë në një seancë të jashtëzakonshme plenare.
Sipas një njoftimi për media nga Drejtoria për media dhe marrëdhënie me publikun, seanca do të mbahet të shtunën (nesër), duke filluar nga ora 12:00, njofton Dukagjini.
Në rend dite janë 5 pika, si në vijim:
- Shqyrtimi i parë i Projektligjit nr.10/L-045 për ndryshimin dhe plotësimin e Ligjit nr. 10/L-001 mbi ndarjet buxhetore për Buxhetin e Republikës së Kosovës për vitin 2026,
- Shqyrtimi i parë i Projektligjit nr.10/L-046 për ndryshimin dhe plotësimin e Ligjit Nr. 05/L-096 për Parandalimin e Pastrimit të Parave dhe Luftimin e Financimit të Terrorizmit,
- Shqyrtimi i parë i Projektligjit nr.10/L-032 për Energjinë Elektrike,
- Shqyrtimi i parë i Projektligjit nr.10/L-031 për Energjinë,
- Mocion për Shqyrtimin e dytë të Projektligjit nr.10/L-019 për Byronë Shtetërore për Verifikimin dhe Konfiskimin e Pasurisë së Pajustifikueshme, me shmangie nga afatet nga Rregullorja e Kuvendit.