Emisari i BE-së për dialogun Kosovë-Serbi e ka filluar ditën me vizitën në selinë e PDK-së, ku është pritur nga kryetari i kësaj partie, Memli Krasniqi dhe anëtarët e tjerë.
Lajçak, mbrëmë, kishte paralajmëruar se do të takohet edhe me partitë opozitare, përvec me kryeministrin Albin Kurti dhe presidenten Vjosa Osmani.
Pas vizitës në Kosovë, Lajçak pritet të shkojë edhe në Beograd për t’u takuar me presidentin e Serbisë, Aleksandër Vuçiq, për të diskutuar për zbatimin e marrëveshjes së propozuar nga BE.
Emisari i BE-së, pas takimit të mbrëmshëm me Kurtin, deklaroi se kërkesat e Kosovës i kanë arritur pritshmëritë e tij, dhe se pret që marrëveshja të nënshkruhet më 18 mars në Ohër të Maqedonisë së Veriut.