I dërguari i posaçëm i Bashkimit Evropian për dialogun Kosovë-Serbi, Miroslav Lajçak ka thënë se ata nuk vijnë me kërcënime apo ultimatum dhe se qëllimi i tyre metet normalizimi i mardhënieve në mes Kosovës dhe Serbisë.
Në një intervistë për Klan Kosovën, Lajçak ka thënë se pret nga Kosova dhe Serbia, që ta pranojnë planin dhe ta nënshkruajnë atë.
”Jemi duke zhvilluar diskutime ndaras me palët dhe kur t’i bashkojmë do të presim që planin ta pranojnë, ta nënshkruajnë dhe ta zbatojnë natyrisht, pra të sigurohemi që ajo që do të nënshkruhet edhe të zbatohet”…ka thënë ai gjersa ka shtuar se ”Ne jemi partnerë, nuk vijmë me kërcënime ose ultimatume, besoj se është një grup vërtetë serioze dhe kemi qëllimin më të mirë që me të vërtetë të zhvendosim cilësinë e marrëdhënieve ndërmjet Kosovës dhe Serbisë në nivel më të lartë”.
Megjithatë Lajçak thotë se propozimi i BE-së është më i miri i mundshëm.
Emisari special i Bashkimit Evropian, Miroslav Lajçak, ka deklaruar se plani evropian për normalizimin e marrëdhënieve në mes të Kosovës dhe Serbisë i përmban 11 pika.
Lajçak, ka theksuar se versionet e tekstit që kanë qarkulluar në media kanë qenë të pasakta dhe të trilluara.
“Kam parë disa tekste të prezantuara në media që ishin të trilluara nga njerëz të caktuar, kishte ndryshime sepse sic thashë pas prezantimit të versionit të parë jam kthyer në Prishtinë dhe Beograd, kemi diskutuar dhe kemi kërkuar komente dhe jemi munduar ti inkorporojmë komentet. Kemi thënë qartë që filozofia e propozimit nuk do të ndryshojë sepse filozofia ishte hartuar në mirëkuptimin më të mirë se si të arrijmë te normalizimi”, ka thënë ai.
Propozimi i BE-së, sipas tij është propozimi më i mirë i mundshëm.