Përfaqësuesi i Posaçëm i Bashkimit Evropian për Dialogun Kosovë-Serbi, Miroslav Lajçak është deklaruar pas takimit me kryeministrin Kurti.
Pas takimit i cili filloi në orën 14:00 në ndërtesën e Qeverisë së Republikës së Kosovës, Lajçak është përgjigjur në pyetjet e gazetarëve me ç’rast ka thënë se Kryeministri Kurti ishte shumë konsktruktiv përgjatë diskutimit.
“Kurti ishte shumë konstruktiv dhe ne po bëjmë progres në diskutimin tonë. Kjo është e gjitha që mund të them tani për tani”, ka deklaruar Lajçak.
Ai është pyetur për çështjen e shtyerjes së datës për konvertimin e targave në RKS për 10 muaj, Lajçak ka thënë se ai vendim mbetet vetëm i Kurtit. Sipas tij, janë dy vendet që duhet ta përcaktojnë marrëveshjen finale dhe se një gjë e tillë nuk varet nga ndërmjetësuesit.
Krahas kësaj, Lajçak ka thënë se shamngia e tensioneve mbetet një synim i BE-së. Ndërkaq, lidhur me draftet që po qarkullojnë në media për Asociacionin, ai ka thënë se nuk ka qenë i njoftuar në të kaluarën për ekzistencën e tyre.
Takimi në mes Kurtit dhe Lajçak ka filluar në orën 14:00 në ndërtesën e Qeverisë së Kosovës. Kjo vizitë e Lajçak vjen pikërisht në kohën kur ShBA-të dhe BE-ja i kanë kërkuar Kosovës, shtyrjen për 10 muaj të afatit për konvertimin e targave ilegale të Serbisë në ato të RKS-së.