Lajçak pas takimit me Vuçiq: Diskutuam për hapat e ardhshëm në normalizimin e marrëdhënieve me Kosovën

Hapat e ardhshëm në dialog dhe normalizimi i marrëdhënieve Kosovë-Serbi ishin temat kyçe që u diskutuan në takimin në mes të emisarit të BE-së për dialogun Kosovë-Serbi, Miroslav Lajçak dhe presidentit të Serbisë, Aleksandër Vuçiq

Emisari i BE-së për dialogun Kosovë-Serbi, Miroslav Lajçak dhe presidenti i Serbisë, ALeksandër Vuçiq

“Ne folëm për rrugën që do të çojë përpara dhe hapat e ardhshëm në normalizimin e marrëdhënieve përpara vizitës së përbashkët në Kosovë dhe Serbi këtë të premte”.

Kështu ka deklaruar i dërguari i posaçëm i Bashkimit Evropian (BE) për dialogun Kosovë-Serbi, Miroslav Lajçak, pas takimit me presidentin e Serbisë, Aleksandër Vuçiq, në margjinat e Forumit Ekonomik Botëror, i cili po mbahet në Davos të Zvicrës.

Po ashtu më herët, emisari i BE-së është takuar edhe me kryeministrin e Kosovës, Albin Kurti.

Me anë të një postimi në llogarinë e tij në Twitter, Lajçak ka theksuar se gjatë këtij takimi është diskutuar për hapat e ardhshëm në dialog.

Pos kësaj, ata diskutuan edhe për normalizimin e marrëdhënieve dhe çështjet aktuale.

“E nisa ditën time në Davos në Forumin Ekonomik Botëror, me një diskutim të thellë me kryeministrin e Kosovës, Albin Kurti. Folëm për hapat e ardhshëm në dialog, për normalizimin e marrëdhënieve dhe çështjet aktuale”, shkroi Lajçak.

Ndryshe, Lajçak pritet që më 20 janar ta vizitojë Kosovën, e më pas edhe Serbinë, për të përgatitur terrenin për vazhdimin e dialogut në nivel të lartë në Bruksel.

I dërguari i Bashkimit Evropian do të jetë i shoqëruar nga emisari amerikan për Ballkanin Perëndimor, Gabriel Escobar.

Dy të dërguarit, kohëve të fundit, kanë vepruar bashkërisht me qëllim që t’i rrisin gjasat për sukses në dialog.

Në Bruksel, disa herë kanë thënë se angazhimi i përbashkët BE-ShBA është treguar i dobishëm për t’i bindur palët që t’i ulin tensionet.

 

Shija e redaktorit

Trupat e FSK-së arrijnë në Adana, priten me duartrokitje nga...

Kontingjenti i parë i FSK-së në operacionin e kërkim-shpëtimit në zonat e prekura nga tërmeti në Turqi, tashmë ka arritur në Adana. Fondacioni SETA në...

Distria Krasniqi fiton medaljen e artë në garën më prestigjioze...

Xhudistja nga Kosova, Distria Krasniqi ka fituar medaljen e artë në turneun "Grand Slamin", i cili po mbahet në Paris të Francës. Distria nuk ndalon...

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Më të lexuarat

Avokati i Fatmir Limajt me ultimatum për analistin Hoxha, për...

Analisti i emisionit Debat Plus në RTV Dukagjinin, Dibran Hoxha, i ka publikuar disa mesazhe që i ka marrë në rrjetin e tij social...

Takimi miqësor i dy ikonave të xhudos

Dy ikona të xhudos, Majlinda Kelmendi dhe Teddy Riner, kanë pasur një takim të shkurtë miqësor gjatë Grand Slamit, në Paris. Xhudistja Kelmendi tashmë është...

Shkon mbi 500 numri i viktimave në Turqi dhe Siri

Pasojat e tërmetit që e goditi Turqinë dhe Sirinë të hënën janë të mëdha. Numri i viktimave ka shkuar në më shumë se 500...

Të fundit nga rubrika