I dërguari i posaçëm i Bashkimit Evropian për dialogun Kosovë-Serbi, Miroslav Lajçak, pas takimit me kryeministrin e Kosovës, Albin Kurti dhe ambasadorin amerikan, Jeff Hovenier ka thënë se ka një qëndrim për gjashtë kushtet e Kurtit për Asociacionin, por nuk ka deklaruar se cili është qëndrimi.
Në një deklaratë para gazetarëve, i pyetur për çështjen e themelimit të Asociacionit të komunave me shumicë serbe ai ka thënë se tashmë është e ditur se gjithçka që është nënshkruar, duhet të zbatohet.
“Vlen rregulli që të gjitha marrëveshjet e nënshkruara duhet të zbatohen”, ka thënë Lajçak.
Ai ka thënë se arsyeja pse ka ardhur në Kosovë për të mbajtur takim me kryeministrin Kurti është çështja e planit evropian.