Lajçak: Plani përmban 11 pika, filozofia e propozimit nuk do të ndryshojë

Emisari special i Bashkimit Evropian, Miroslav Lajçak, ka thënë se propozimi i BE-së për normalizim të marrëdhënieve në mes të Kosovës dhe Serbisë është propozimi më i mirë i mundshëm

Emisari special i Bashkimit Evropian, Miroslav Lajçak, ka deklaruar se plani evropian për normalizimin e marrëdhënieve në mes të Kosovës dhe Serbisë i përmban 11 pika.

Lajcak në një intervistë për Klan Kosova, ka thënë se në këtë plan janë futur edhe disa komente nga Kosova dhe Serbia, por që në përgjithësi sipas tij filozofia e propozimit nuk ka ndryshuar dhe nuk do të ndryshojë.

“Mendoj se mënyra më e mirë për ta quajtur është propozimi për normalizimin e marrëdhënieve, unë e kam prezantuar planin në shtator dhe pastaj kishim diskutime me Kurtin dhe pastaj ia kam prezantuar një verison të azhurnuar ku ishin reflektuar disa komente që kishim pranuar nga qeveria e Kosovës. Javën e kaluar kishim diskutim të parë substancial lidhur me planin, zgjati dy orë e gjysmë ishte diskutim i gjerë, plani ishte të ndalej cikli i krizave dhe të përqendrohemi në normalizim”, ka thënë ai.

“Janë 11 pika. Kemi diskutuar propozimin në tërësi. 2 orë e gjysmë japin kohë të mjaftueshme poër të diskutuar për propozimin dhe për kontekstin ndërkombëtar, pritjet e komunitetit ndërkombëtar dhe të ndikimit të pranimit të këtij propozimi në të ardhmen”, ka vijuar ai.

Lajçak, ka theksuar se versionet e tekstit që kanë qarkulluar në media kanë qenë të pasakta dhe të trilluara.

“Kam parë disa tekste të prezantuara në media që ishin të trilluara nga njerëz të caktuar, kishte ndryshime sepse sic thashë pas prezantimit të versionit të parë jam kthyer në Prishtinë dhe Beograd, kemi diskutuar dhe kemi kërkuar komente dhe jemi munduar ti inkorporojmë komentet. Kemi thënë qartë që filozofia e propozimit nuk do të ndryshojë sepse filozofia ishte hartuar në mirëkuptimin më të mirë se si të arrijmë te normalizimi”, ka thënë ai.

Propozimi i BE-së, sipas tij është propozimi më i mirë i mundshëm.

Shija e redaktorit

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Libraria Dukagjini vjen me “BookFest” në Albi Mall

Libraria “Dukagjini” dhe “Albi Mall” kanë bashkuar forcat për një superfestë të librit, me shumë aktivitete e superatmosferë. Për dhjetë ditë me BookFest-in e librarisë...

Arti dhe kultura janë letërnjoftim nacional

Selman Jusufi, i cili ka studiuar Artin dramatik në Universitetin e Prishtinës, nga viti 1973 deri më 1985, ka qenë i angazhuar në Teatrin...

Më të lexuarat

Lajçak ‘befason” thotë se me Kurtin kanë rënë dakord që...

I dërguari i posaçëm i Bashkimit Evropian për dialogun Miroslav Lajçak, ka njoftuar nëpërmjet rrjetit të tij social se është në Kosovë, për të...

Barrikadat, KFOR-i paralajmëron ndërhyrje nëse ato nuk largohen

Efikasiteti i këtyre mjeteve të rënda të KFOR-it është testuar hiç më larg se dy ditë më parë. Ushtrimet e 19 dhjetorit i kanë mundësuar...

Gjendet pa shenja jete një person në Gjakovë

Policia e Kosovës ka njoftuar se është gjetur një person pa shenja jete në shtëpinë e tij në Gjakovë. Në raportin 24-orësh thuhet se njësitë...

Të fundit nga rubrika