Dialogu në Kosovës dhe Serbisë ishte temë diskutimi në mes Emisarit special të Bashkimit Evropian për dialogun Kosovë-Serbi, Miroslav Lajçak dhe kryediplomatit grek, Nikos Dendias.

Këtë e ka bërë të ditur vetë kryediplomati Dendias.

“Gjatë një takimi të mbajtur më herët sot, në Ministrinë e Jashtme të Greqisë, diskutova me përfaqësuesin Special, Miroslav Lajçak, për progresin e dialogut Kosovë-Serbi dhe perspektivën evropiane të Ballkanit Perëndimor”, ka shkruar Dendias.

Ndërkaq, Lajçak e ka falënderuar Dendias për interesin dhe mbështetjen e tij në detyrat e tij në Ballkanin Perëndimor.

“Faleminderit i dashur Nikos Dendias për interesin e Greqisë për Ballkanin Perëndimor dhe mbështetjen për përpjekjet tona të përbashkëta në rajon”.

Thank you dear @NikosDendias for Greece’s interest in the Western Balkan and support of our join 🇪🇺 efforts in the region. https://t.co/XGloH3DgKB

— Miroslav Lajčák (@MiroslavLajcak) April 28, 2023

Përgjatë procesit të dialogut, emisari Lajçak ka zhvilluar shpesh takime me kryediplomatin grek.

Ndërkaq, Dendias ishte takuar me kryeministrin e Republikës së Kosovë, Albin Kurti, në mars të këtij viti. Njëherit, edhe me presidenten Osmani dhe ministren Gërvalla.