Katër persona janë larguar nga një shtëpi e sigurt në Gjakovë, ndërsa policia ka arritur të gjejë dy prej tyre.
Sipas raportit 24-orësh të Policisë së Kosovës, rasti është raportuar më 12 maj 2026, rreth orës 08:00.
“Nga shtëpia e sigurt është raportuar se dy femra dhe dy meshkuj kosovarë janë larguar dhe nuk dihet vendndodhja e tyre”, thuhet në raportin e policisë.
Policia njofton se pas ndërmarrjes së veprimeve hetimore dhe operative, dy nga personat e raportuar janë gjetur dhe janë kthyer në shtëpinë e sigurt.
Ndërkaq, kërkimet janë duke vazhduar edhe për dy personat e tjerë, derisa rasti mbetet nën hetime.