Betejat të njëpasnjëshme me suksese të pandalshme për xhudistet nga Kosova, kësaj radhe nga xhudistja, Laura Fazliu, e cila ka mposhtur algjerianen Amina Belkadi në kategorinë deri në 63 kilogramë.
Me fitoren e arritur në Lojërat Mesdhetare “Oran 2022”, Fazliu është kualifikuar në finale të kësaj kategorie.
21-vjeçarja arriti këtë fitore me ‘Wazar’, 1:38 minuta para se të përfundonte ndeshja.
Ndërsa, në finalen e madhe Laura do të përballet me xhudistën spanjolle Cristian Perez Cabana.
Ndërkaq, xhudisti Akil Gjakova ka humbur në gjysmëfinalen e Lojërave Mesdhetare.
Xhudisti nga Kosova është mposhtur në kategorinë deri në 73 kilogramë.
Ishte xhudisti algjerian Redouane Messaoud Dris që arriti ta mposhtë Gjakovën me ‘Wazari’ pas shtatë minutash lojë.
Po ashtu, xhudisti nga Kosova ka një tjetër mundësi për të fituar medalje, pasi do të luftojë për medaljen e bronztë.