LDK: Ende asnjë shkarkim i të përfshirëve në konkursin e punësimeve në KEK

Pas akuzave për punësime në baza familjare e partiake në Korporatën Energjetike të Kosovës (KEK), Lidhja Demokratike e Kosovës, e ka fajësuar qeverinë që nuk ka ndërmarrë ende asnjë masë shkarkimi apo suspendimi ndaj zyrtarëve të përfshirë në konkurs.

Korporata Energjetike e Kosovës (KEK)

Lidhja Demokratike e Kosovës (LDK), ka fajësuar Qeverinë e Kosovës që nuk ka ndërmarrë ende asnjë masë shkarkimi apo suspendimi ndaj zyrtarëve të përfshirë në konkursin për punësimet në Korporatën Energjetike të Kosovës (KEK).

Pas akuzave për punësime në baza familjare e partiake, sipas LDK-së, ky konkurs ende nuk është anuluar.

“14 ditë nga skandali i punësimeve në KEK. Konkursi ende nuk është anuluar, të 4500 aplikuesit ende s’kanë gjetur drejtësinë, e pushteti s’ka marrë asnjë masë shkarkimi e suspendimi ndaj zyrtarëve të përfshirë në këtë krim”, thuhet në njoftimin e LDK-së.

Ndryshe, kryetari i LDK-së, Lumir Abdixhiku, kishte paralajmëruar kallëzim penal për punësimet e fundit në KEK.

Ai, përmes një postimi në llogarinë e tij në Facebook, teksa kishte reaguar mbi procesin e aplikimit për punë, është shprehur kritik mbi veprimet e Lëvizjes Vetëvendosje (LVV) – partia në pushtet, duke e akuzuar për nepotizëm masiv.

Kryetari i LDK-së, Lumir Abdixhiku

“Sot, kemi ftuar Prokurorinë të nisë hetimet mbi këtë proces skandaloz e korruptiv. Nesër do të dorëzojmë dhe kallëzim penal në Prokurori. Kemi ftuar dhe menaxhmentin e KEK-ut të anulojë procesin në fjalë e t’i suspendojë të gjithë anëtarët e Komisionit Vlerësues; dhe të rinisë kështu një proces të ri, të hapur dhe mbi të gjitha të drejtë”, kishte shkruar Abdixhiku.

Sipas kryetarit të LDK-së, ky aplikim nuk ka pasur rëndësi ngase siç ka theksuar ai, vendet e punës ishin të parandara për familjarët e partisë në pushtet.

Ndërkaq, më gjashtë prill, LDK-ja kishte dorëzuar kallëzim penal në Prokurorinë Themelore në Prishtinë.

Kallëzimin penal e kanë dorëzuar tre anëtarët e kryesisë së LDK-së, Sibel Halimi, Xhafer Tahiri dhe Shkëmb Manaj.

Xhafer Tahiri, Shkëmb Manaj dhe Sibel Halimi

Manaj kishte bërë të ditur se këtë e kanë bërë kundër kryesuesve dhe anëtarëve të komisionit që kanë qenë përgjegjës për konkursin publik të KEK-ut.

Ndërsa, kryeministri i Kosovës, Albin Kurti, e kishte mohuar në mënyrë kategorike se të punësuarit e fundit në KEK kanë lidhje familjare apo janë militantë të LVV-së.

“Nuk ka punësim të militantëve, ka komisione të cilët bëjnë një vlerësim pasi që ka teste edhe me shkrim edhe intervistim, dhe ka edhe të drejtë ankese”, kishte thënë Kurti.

Kryeministri i Kosovës, Albin Kurti

Ai ka shtuar se, nëse ka pasur ndonjë parregullsi apo padrejtësi, ankesa dhe shqyrtimi do ta rregullojë.

Por, pas raportimeve se ky konkurs po keqpërdoret, Prokuroria Themelore në Prishtinë ka nisur hetimet në lidhje me punësimet e reja në KEK.

Nisin hetimet për punësime në KEK

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Milan Radojçiq: Jam kthyer në Kosovë dhe ju e dini...

Nënkryetari i Listës Serbe, Milan Radojçiq, ka sfiduar shtetin e Kosovës, duke e postuar një video nga pjesa veriore e Republikës së Kosovës. Radojçiq, ka...

Përplasen Mushkolaj dhe Ramiz Shala për rastin “Lushtaku”

Ramiz Shala, ish-drejtor për Gjeodezi në Komunën e Skënderajt, ka thënë se për rastin "Lushtaku", është bërë shumë zhurmë në media. I ftuar në emisionin...

Të fundit nga rubrika