LDK-ja nuk e përkrahu marshin për drejtësi, Gashi: Nuk e kuptoj pse nuk ishte aty të paktën formalisht

Marshi “Liria ka emër” mblodhi afërsisht 100 mijë marshues në kryeqytetin e Prishtinës, por në të nuk ishte pjesë LDK-ja. Sipas Gashit, nuk është e rastësishme që një parti politike vendos të mos e përkrah një kauzë të tillë. Ai thotë se LDK-ja do të duhej të ishte prezente të paktën në mënyrë formale

Dardan Gashi, analist

Lidhja Demokratike e Kosovës(LDK) nuk ishte në mesin e subjekteve politike, të cilat mbështetën marshin për drejtësi të organizuar nga platforma “Liria ka emër”, në mbështetje të ish-krerëve të UÇK-së.

Një veprim i tillë ndonëse i pakuptueshëm, u vlerësua si jo i rastësishëm nga ana e analistit Dardan Gashi.

“Nuk është e rastësishme që ti si një parti politike [LDK] vendos të mos e përkrahësh një diçka të tillë. Për mua problematike, sepse kur lypim drejtësi, lypim drejtësi. Nuk ishte fushatë për të kërkuar mosdrejtësi. Nuk e kuptoj pse LDK-ja nuk ishte aty të paktën formalisht. Edhe VV-ja hyri si me zor”, deklaroi ai.

Krahas kësaj, i njëjti tha se nuk duhet përjashtuar mundësia se një gjë e tillë mund të përdoret edhe për qëllime politike nga subjektet politike në vend.

Marshi “Liria ka emër” mblodhi afërsisht 100 mijë marshues në kryeqytetin e Prishtinës. I njëjti u mbështet nga PDK, AAK, LB, PSD, LVV dhe partitë e tjera, përfshirë edhe partitë e minoriteteve, por edhe nga figura publike e artistike të vendit.

Shija e redaktorit

Osmani takon presidenten Keller-Sutter: Zvicra vazhdon të jetë një nga...

Presidentja Vjosa Osmani është takuar me presidenten e re të Zvicrës, Karin Keller-Sutter në kuadër të takimeve që ka me liderë botërorë në konferencën...

Bëhuni pjesë e lojës shpërblyese të shtëpisë botuese “Dukagjini” –...

Shtëpia botuese “Dukagjini” fton të gjithë lexuesit të bëhen pjesë e garës “Review për librat tanë”. Në këtë konkurs, ftohen të gjithë lexuesit e botimeve...

Rutte: NATO po ndjek zgjedhjet në Kosovë, duket se do...

Sekretari i Përgjithshëm i NATO-s, Mark Rutte, ka komentuar zhvillimet politike në vend gjatë një konference për media, duke vënë në pah se aleanca...

Të fundit nga rubrika