LDK-ja vazhdon me tubime, nga Hani i Elezit premton “një Kosovë ku flitet për paqe, e jo për luftë”
Kandidati për kryeministër i Lidhjes Demokratike të Kosovës (LDK), Lumir Abdixhiku ka mbajtur një tubim elektoral në Qendrën e Kulturës “Imri Curri” në Han të Elezit. Abdixhiku nga aty para mijëra simpatizantëve dhe qytetarëve të këtij rajoni ka thënë se është e rëndësishme për vendin bashkëpunimi dhe unitetit kombëtar për të kapërcyer sfidat me të […]
Kandidati për kryeministër i Lidhjes Demokratike të Kosovës (LDK), Lumir Abdixhiku ka mbajtur një tubim elektoral në Qendrën e Kulturës “Imri Curri” në Han të Elezit.
Abdixhiku nga aty para mijëra simpatizantëve dhe qytetarëve të këtij rajoni ka thënë se është e rëndësishme për vendin bashkëpunimi dhe unitetit kombëtar për të kapërcyer sfidat me të cilat po përballet vendi.
Tutje ai ka thënë se LDK-ja është një forcë politike që gjithmonë ka qëndruar në anën e drejtë të historisë.
“Sot, nga Hani i Elezit, fillojmë një udhëtim që nuk synon vetëm fitoren elektorale, por edhe integrimin evropian. Për një Kosovë ku flitet për paqe, e jo një Kosovë ku flitet për luftë. Kosova nuk ka kohë për të humbur,” tha Abdixhiku.
Ai tha se krijimi i një klime mirëbesimi mes qytetarëve është urgjent.
“LDK di dhe mundet. Duhet të punojmë së bashku për një të ardhme të ndershme, të lirë dhe të drejtë,” përfundoi ai.
















