LDK: Liria e shprehjes iu është cenuar gazetarëve

Javëve të fundit Lidhja Demokratike e Kosovës (LDK) i ka shpeshtuar konferencat për media. Vetëm ditën e premte, kjo parti i mbajti dy konferenca për dy tema të ndryshme.

Nënkryetarja e LDK-së, Shqipe Mjekiqi, duke iu referuar raportit të përvjetshëm të Departamentit Amerikan të Shtetit (DASH), tha se liria e shprehjes iu është cenuar mediave dhe gazetarëve në veçanti.

Duke u thirrur në raportin e DASH-it, Mjekiqi tha se zyrtarë të Qeverisë së Kosovës, kanë ndikuar në kufizimin e lirisë së shprehjes, pasi që ka pasur kërcënime verbale ndaj mediave apo gazetarëve.

“Zyrtarë qeveritarë të cilët e kanë për obligim sigurimin e një ambienti ku ka liri të shprehjes e të medias kanë ndikuar në kufizimin e kësaj lirie duke i kërcënuar verbalisht gazetarët dhe duke kufizuar komunikimin me ato media që kanë qenë kritike për ta”, ka thënë Mjekiqi.

Shqipe Mjekiqi, nënkryetare e LDK-së

Mjekiqi foli edhe për sundimin e ligjit për të cilin tha se raporti i DASH-it, e ka cilësuar të jetë me mangësi të mëdha.

“Sundimi i ligjit për vitin 2021 në raportin e DASH-it, është karakterizuar me mangësi të shumta dhe mosveprim nga Qeveria e Kosovës, për të ndjekur penalisht rastet e korrupsionin. Sipas raportit shumë zyrtarë të korruptuar vazhdojnë të mbajnë poste të larta publike dhe në masë të madhe rastet e korrupsionit mbeten të pandëshkuara”, ka shtuar ajo.

Nënkryetarja e LDK-së, përmendi edhe pjesën e raportit ku flitet për shkarkimin e Valdete Dakës, nga pozita e kryesueses së Komisionit Qendror Zgjedhor (KQZ), për të cilin tha se ishte joligjor.

Por, në lidhje me shkarkimin e saj, LDK-ja nuk i kishte dhënë nënshkrimet e saj iniciativës së Partisë Demokratike të Kosovës (PDK), për ta dërguar rastin në Gjykatën Kushtetuese.

Në qershorin e vitit 2021, Valdete Daka ishte shkarkuar nga presidentja Vjosa Osmani nga pozita e Kryesueses Qendrore të Zgjedhjeve.

Valdete Daka, ish kryesuese e KQZ-së

Në arsyetimin e presidentes thuhej se Daka kishte dështuar të jetë forcë e pavarur dhe se vendimmarrjet e saj ishin të anshme.

“Kryesuesja e KQZ-së, në shumë raste, nuk ka arritur të jetë forcë e pavarur ndaj polarizimeve politike kështu duke u pamundësuar balancin e nevojshëm në këtë organ”, thuhej në arsyetimin e presidentes.

Pas shkarkimit të saj, Presidentja Osmani, në vend të saj kishte emëruar gjyqtarin e Gjykatës së Apelit, Kreshnik Radoniqi, i cili aktualisht është kryesues.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Pasi u qëllua me armë, vdes ish-kryeministri japonez, Shinzo Abe

Ish-kryeministri japonez, Shinzo Abe, ka vdekur pasi është qëlluar me armë të premten, përgjatë fushatës për zgjedhjet parlamentare. Abe, 67-vjeçar, i cili njëherësh mbetet kryeministri...

Të shtëna me armë në Cetinë, më shumë se dhjetë...

Të premten e 12 gushtit në Cetinë të Malit të Zi, një 34-vjeçar ka qëlluar me armë në drejtim të disa personave dhe më...

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Të fundit nga rubrika