Lidhja Demokratike e Kosovës (LDK) do ta përmbyllë fushatën zgjedhore me një tubim të madh në Sheshin “Skënderbeu” në Prishtinë.
Kryetari i LDK-së dhe kandidati për kryeministër, Lumir Abdixhiku, ka ftuar qytetarët që t’i bashkohen këtij aktiviteti përmbyllës, duke e cilësuar atë si një natë bashkimi dhe shprese.
Përmes një postimi në Facebook, Abdixhiku tha se tubimi do të shërbejë për të përcjellë mesazhin se “Kosova është gati për ndryshim”.
Ai u bëri thirrje qytetarëve që të marrin pjesë së bashku me familjarët, miqtë dhe të afërmit e tyre, për ta mbyllur fushatën “së bashku, me zemër plot dhe me besim të madh”.