Disa “njoftime” janë vendosur, të premten e 27 janarit, në vende të ndryshme të kryeqytetit, të cilat siç njofton EO, janë vendosur nga Forumi i Rinisë së Lidhjes Demokratike të Kosovës.
Përmes këtij aksioni rinor, po shprehen kritikat për Qeverinë, ndërsa në fletushkat e shpërndara kanë shkruar se ”kanë vdekur kauzat e Vetëvendosjes”.
Ekipi i terrenit i RTV Dukagjinit, së fundi te Agjencia e Regjistrimit Civil ka parë të jenë vendosur njoftime të tilla, në të cilat, thuhet “Me pikëllim të thellë njoftojmë popullin e Kosovës, se kanë vdekur të gjitha kauzat, me të cilat, erdhi në pushtet Albin Kurti”.
Ndërkaq, tutje është shkruar se “Varrimi i kauzave, parimeve dhe premtimeve po bëhet çdo ditë”.
Të tilla njoftime, EO i kishte parë të jenë vendosur edhe në hyrje të Qeverisë.
