Nën patronatin e kryetarit të Lidhjes Demokratike të Kosovës, Lumir Abdixhiku, sot do të organizohet mbledhje komemorative në nderim të jetës dhe veprës së veprimtarit të shquar, anëtarit të Kryesisë, një prej themeluesve të LDK-së e bashkëpunëtorit të Presidentit Rugova, Alush Gashi.
Sipas njoftimit, mbledhja komemorative mbahet nga ora 11:00, në Amfiteatrin e Pallatit të Rinisë (ish-ASK).
Kujtojmë se Alush Gashi vdiq më 15 maj në moshën 75-vjeçare.
Ndërkohë, ceremonia e fundit mortore do të mbahet nga ora 15:00 në varrezat e fshatit Prigodë të Istogut, vendi ku pritet të mblidhen familjarë, miq dhe bashkëpunëtorë për t’i dhënë lamtumirën e fundit.