Lidhja Demokratike e Kosovës ka shprehur shqetësimin për reagimin e fundit të Asociacionit të Gazetarëve të Kosovës (AGK), i cili kishte dënuar gjuhën e kryetarit të LDK-së, Lumir Abdixhiki, ndaj mediave.
Në reagimin e saj, LDK thekson se liria e medias është e shenjtë, por po ashtu e shenjtë mbetet edhe liria për të kritikuar median.
Sipas partisë, AGK-ja ka zgjedhur të përdorë etiketime politike dhe të delegjitimojë një qëndrim publik të LDK-së, në vend që të trajtojë me seriozitet shqetësimet për standardin profesional dhe përgjegjësinë publike në media.
“Është e papritur që një organizatë profesionale si AGK të përdorë gjuhë dhe referenca që i përkasin debatit politik, përfshirë edhe përqindjet elektorale. AGK nuk është subjekt politik dhe nuk i takon të bëjë vlerësime të tilla”, thuhet në reagim.
Partia thekson gjithashtu se kritika e saj nuk është drejtuar ndaj mediave si institucione apo gazetarëve profesionistë, por ndaj fenomeneve që devijojnë nga standardet profesionale dhe dëmtojnë besimin publik duke nxitur shpifjen dhe dezinformatat.
AGK-ja dënon gjuhën e Abdixhikut kundër mediave dhe gazetarëve