Lidhja Demokratike e Kosovës (LDK) do të vazhdojë sot aktivitetet e saj elektorale në kuadër të fushatës për zgjedhjet lokale, me tubime që do të mbahen në Rahovec, Prizren dhe Dragash.
Sipas njoftimit të bërë nga LDK-ja, tubimi i parë do të mbahet në Rahovec, duke filluar nga ora 17:00 në Shtëpinë e Kulturës “Mensur Zyberaj”.
Më pas, aktiviteti elektoral do të zhvendoset në Prizren, ku qytetarët do të kenë mundësi të marrin pjesë në tubimin që nis në ora 18:30 në Sheshin e Lidhjes.
Ndërkaq, dita do të përmbyllet me tubimin në Dragash, i cili është planifikuar të mbahet nga ora 20:00 në Hotel Meka.