Bad News Eagles dhe FaZe Clan kanë garuar këtë të diel, më 6 nëntor, në raundin e tretë të IEM Rio Major 2022 Legends Stage.

Bad News Eagles ka triumfuar ndaj ekipit legjendar amerikan, FAZE me rezultat të përgjithshëm 2:1.

Surpriza më e madhe e deritanishme e turneut ishte se skuadra më e mirë aktuale në botë FaZe mund të eliminohet herët pas kësaj humbjeje.

Nga ana tjetër, çuditërisht edhe lojtarët e Kosovës kanë qenë në të njëjtën situatë. Pasi të dy skuadrat në Legends Stage kanë pasur dy humbje dhe tani ekipi me i mirë në botë ka tri humbje dhe legjendat e Kosovës kanë epërsuar me një fitore më shumë.

Ndërsa, tani Bad News Eagles ka edhe dy mundësi të tjera për të shkuar në finalen e madhe të Majorit.

🦅🇽🇰 @_badnewseagles are NOT DONE YET! #IEM pic.twitter.com/C868zTwOhL

— HLTV.org @ IEM RIO 🇧🇷 (@HLTVorg) November 6, 2022

Ndeshja e BNE ndaj FaZe ka qenë Best of 3 (Bo3), mapi i parë është zhvilluar në “Vertigo”, mapi i dytë në “Nuke”. Në mapin e parë Flatron (juanflatroo) Halimi ka arritur të përfundojë në MVP (most valuable player).

Ekipi nga Kosova ka zhvilluar aksione fantastike duke barazuar rezultatin nga 15:10, në 15:15, në mapin “Mirage” i cili vendosi për ekipin fitues të kësaj ndeshjeje. Ndeshja në mes BNE dhe ekipit numër një në botë ishte e zjarrtë në kërkim të fitores në secilin raund.

Ndeshja kishte shumë emocione për të gjithë shikuesit mbi 20 mijë në aplikacionin Twich live me komentator nga Xhoci.

Ajo çfarë e bëri ndeshjen më me emocione ishte pasi lojtarët vazhduan duke e barazuar rezultatin e duke shkuar në “Over Time”.

Ndeshja vendimtare e mapit të tretë ka përfunduar me rezultat 22:20 për BNE.