Tre persona janë arrestuar të hënën në Klinë, pasi dyshohen për pengim të personit zyrtar gjatë një proteste kundër punimeve në rrugën Kijevë – Dollc.

Siç thuhet në raportin 24-orësh të Policisë, tre të dyshuarit nuk u kanë bindur urdhrave dhe kanë penguar zyrtarët policorë gjatë detyrës zyrtare duke i sulmuar ata.

“Janë arrestuar tre të dyshuar meshkuj kosovarë pasi që të njëjtit gjatë një proteste nuk ju kanë bindur urdhrave dhe kanë penguar zyrtarët policorë gjatë detyrës zyrtare duke i sulmuar ata”, thuhet në njoftimin e Policisë.

Ndërkaq, lëndime trupore kanë pësuar dy zyrtarë policorë dhe dy të dyshuar.

Sipas njoftimit, me vendim të prokurorit, të dyshuarit janë dërguar në mbajtje.

Ndryshe, banorët e fshatrave Rixhevë, Gllarevë dhe Stapanicë të Klinës protestuan më 22 prill, për ta kundërshtuar fillimin e punimeve të zgjerimit të rrugës Kijevë-Dollc.

PROTESTOHEt kundër zgjerimit të rrugës Kijevë-Dollc, arrestohen tre persona