Në magjistralen Pejë-Prishtinë ka ndodhur një aksident në të cilin janë përfshirë tri vetura dhe një kombaj, si rezultat i këtij aksidenti kanë mbetur të lënduar nëntë persona.
Të lënduarit, sipas zëdhënësit të Policisë së Kosovës për rajonin e Pejës, Fadil Gashit, janë dërguar në Spitalin Rajonal të Pejës për trajtim mjekësor.
“Rreth orës 17:40 në magjistralen Pejë-Prishtinë, janë përfshirë në aksident tri vetura dhe një kombaj. Nga ky aksident kanë pësuar lëndime nëntë persona’’, ka thënë Gashi për Dukagjinin.
Më tej, Gashi ka thënë se ekipet e policisë janë duke kryer ekzaminimet e nevojshme në vendin e ngjarjes për t’i ditur shkaktarët e aksidentit.