Të hënën në Lipjan, një person u lëndua në vendin e tij të punës dhe po trajtohet aktualisht në Qendrën Klinike Universitare të Kosovës (QKUK).
Për rastin, një i dyshuar është arrestuar.
Rasti është cilësuar si asgjësim, dëmtim ose heqje e pajisjeve mbrojtëse dhe rrezikim i sigurisë në vendin e punës.
Sipas raportit 24-orësh të Policisë, “viktima, mashkull kosovar, ka kërkuar ndihmë mjekësore pas lëndimit të tij në vendin e punës. Ai po trajtohet në QKUK. Me vendim të prokurorit, i dyshuari, gjithashtu mashkull kosovar, është arrestuar dhe dërguar në mbajtje. Rasti është duke u hetuar”.