Letra e Vjosa Osmanit drejtuar Joe Biden-it ka marrë vëmendjen e mediave ndërkombëtare

Presidentja e Republikës së Kosovës, Vjosa Osmani, ditë më parë i është drejtuar me një letër presidentit të Shteteve të Bashkuara të Amerikës, Joe Biden, përmes së cilës ka kërkuar ndihmën e SHBA-së për t’u anëtarësuar në NATO.

Letra e Osmanit, drejtuar presidentit amerikan Biden ka marrë vëmendjen edhe të mediave të rëndësishme ndërkombëtare.

Të enjten disa prej mediave më të njohura ndërkombëtare i kanë kushtuar nga një artikull të veçantë letrës së presidentes Osmani dërguar presidentit Biden.

Agjencia e lajmeve, Reuters në artikullin e publikuar për kërkesën e Osmanit, gjithashtu, ka shkruar se Serbia dhe aleati i saj Rusia nuk e kanë njohur pavarësinë e Kosovës dhe vazhdojnë ta bllokojnë anëtarësimin e saj në NATO.

“Kosova është ruajtur nga trupat e NATO-s që nga viti 1999, kur NATO iu drejtua bombardimeve për të ndalur vrasjen e shqiptarëve nga forcat serbe në një luftë kundër kryengritjes 1998-99”, ka raportuar Reuters.

Në letrën e dërguar, Osmani ka shkruar se, Kosova, aktualisht, është një faktor kyç në promovimin e stabilitetit rajonal. Ka përmendur edhe arritjet e shtetit në respektimin e demokracisë, duke thënë se, Kosova, si vend i dalë nga lufta, shërben edhe si shembull në këtë drejtim për skenën ndërkombëtare.

Osmani i ka thënë Biden-it se rrethanat e reja të krijuara në Evropë pas sulmit rus në Ukrainë kanë prodhuar edhe urgjencën e Kosovës për të hyrë në NATO dhe organizata të tjera ndërkombëtare.

Presidentja e Kosovës ka shtuar se, jemi optimistë në mbështetjen e aleatit tonë më të madh, Shteteve të Bashkuara të Amerikës, në këtë përpjekje vendimtare.

Kërkesa për anëtarësimin e Kosovës në NATO, e cila është shprehur edhe përmes kësaj letre të Presidentes Osmani, ka ardhur si pasojë e situatës dhe tensioneve Rusi-Ukrainë, ku të premten shënohet dita e 23-të e invazionit rus ndaj Ukrainës.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Milan Radojçiq: Jam kthyer në Kosovë dhe ju e dini...

Nënkryetari i Listës Serbe, Milan Radojçiq, ka sfiduar shtetin e Kosovës, duke e postuar një video nga pjesa veriore e Republikës së Kosovës. Radojçiq, ka...

Përplasen Mushkolaj dhe Ramiz Shala për rastin “Lushtaku”

Ramiz Shala, ish-drejtor për Gjeodezi në Komunën e Skënderajt, ka thënë se për rastin "Lushtaku", është bërë shumë zhurmë në media. I ftuar në emisionin...

Të fundit nga rubrika