Levits: Mbështesim anëtarësimin e Kosovës në organizata ndërkombëtare

Presidenti i Letonisë, Egils Levits, është shprehur se është shumë e rëndësishme që Kosova të anëtarësohet në organizata ndërkombëtare, veçanërisht në Këshillin e Evropës

Presidentja e Kosovës, Vjosa Osmani, në një konferencë për media me presidentin e Letonisë, Egils Levits, ka thënë se gjatë takimit të tyre kanë pasur biseda përmbajtjësore dhe produktive.

E para e vendit ka theksuar se kanë biseduar për bashkëpunim në politikën e jashtme dhe të sigurisë, në fushën e dixhitalizimit dhe forcimin e bashkëpunimit ekonomik.

Ajo ka thënë se Kosova dhe Letonia, si dy vende mike, do të vazhdojnë të kontribuojnë për të mbështetur paqen.

Egils Levits, Vjosa Osmani

Ajo ka theksuar se Kosova, së bashku me vendosmërinë e popullit të saj, do t’i sfidojë kërcënimet që i vijnë nga Rusia.

“Jam e bindur se me qëndrueshmërinë e popullit të Kosovës dhe me vendosmërinë tonë për ta forcuar demokracinë dhe lirinë, do t’i sfidojmë kërcënimet që na vijnë nga Rusia”, ka thënë Osmani.

Ndër të tjera, Osmani ka theksuar se i kishte kërkuar homologut të saj Levits, që Letonia ta mbështetë Kosovën në rrugën e saj të anëtarësimit në NATO dhe BE.

“Duke qenë se Letonia është një zë kyç në NATO dhe në BE, kërkova mbështetjen e Levits në rrugëtimin tonë drejtë integrimit euro-atlantik, dhe kam theksuar se këto aleanca duhet t’i kenë gjithnjë dyert e hapura për shtetet si Republika e Kosovës”, ka thënë Osmani.

Ajo ka shtuar se kjo është vizita e parë e një presidenti nga Letonia në Kosovë, e që shpreson të mos jetë e fundit.

Vjosa Osmani

Vizita e presidentit Levits, sipas saj, është bërë në një kohë mjaft të vështirë, kur vendi po përballet me realitet të trishtueshëm të sigurisë evropiane

Ndërkaq, presidenti i Letonisë ka shtuar se është shumë e rëndësishme që Kosova të anëtarësohet në organizata ndërkombëtare, veçanërisht në Këshillin e Evropës.

“Mendoj që është e rëndësishme që të anëtarësohet Kosova në organizatat ndërkombëtare dhe forume, ku do të përmendja këtu Këshillin e Evropës. Ne do të mirëpritnim aplikimin e Kosovës në Këshillin Evropës”, ka thënë ai.

Ndërsa sa i përket Bashkimit Evropian, ai është shprehur se Letonia është duke e mbështetur Kosovën, sa i përket liberalizimit të vizave.

“Tani nuk ka pengesa të arsyeshme që të mos jepet liberalizimi i vizave. Ne kemi vërejtur që vitin e kaluar, Kosova kishte progres në luftën ndaj korrupsionit. Po e vërej që ekzistojnë disa probleme sa i përket dialogut me Serbinë, shpresoj që këto bisedime do të kenë zhvillim më tutje”, ka shtuar Levits.

Presidenti i Letonisë, në vazhdën e takimeve që po i zhvillon me krerët e shtetit, është takuar edhe me kryeministrin e Kosovës, Albin Kurti.

Glauk Konjufca, Egils Levits

Përveç tij, Levits është takuar edhe me të parin e Kuvendit, Glauk Konjufca, gjatë mesditës.

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika