Sulmuesi 33-vjeçar, Robert Lewandowski do të përfundojë transferimin e tij te Barcelona këtë fundjavë, me një ofertë me vlerë deri në 50 milionë euro.
Lewandowski kishte rënë dakord për kushtet personale me Barçën, që në shkurt dhe më në fund do të nënshkruajë kontratën trevjeçare gjatë fundjavës.
FC Barcelona ka konfirmuar zyrtarisht arritjen e marrëveshjes me Bayern Munichun për sulmuesin Lewandowskin.
Barcelona ka shfrytëzuar faqen zyrtare për të konfirmuar marrëveshjen në parim.
“FC Barcelona dhe Bayern Munich kanë arritur një marrëveshje në parim për transferimin e Robert Lewandowskit, në varësi të kalimit të testeve mjekësore dhe nënshkrimit të kontratave të lojtarit”, thuhet në njoftimin e klubit.
Agreement in principle for the transfer of Robert Lewandowski
🔗 https://t.co/quEclaHkdl https://t.co/YTCRbaW173
— FC Barcelona (@FCBarcelona) July 16, 2022
Ndërkaq, fillimisht ishte presidenti i Bayernit, Herbert Hainer që ka bërë të ditur se ata kanë arritur një marrëveshje me Barcelonën, për Lewandowskin.
Sulmuesi polak tani do t’i bashkohet Barcelonës për t’i kryer testet mjekësore përpara se të zyrtarizohet si lojtar i ri.
#FCBayern-Präsident Herbert #Hainer im #BR zu Robert #Lewandowski: "Wir haben eine mündliche Zusage von Barcelona. Es ist gut für beide Seiten, dass wir Klarheit haben. Robert ist ein sehr verdienter Spieler, er hat mit uns alles gewonnen. Wir sind ihm unheimlich dankbar." pic.twitter.com/eVyNTqs23l
— FC Bayern München (@FCBayern) July 16, 2022
Ndërsa, Lewandowski shënoi 50 gola në 46 ndeshje sezonin e kaluar teksa ndihmoi Bayernin të fitonte titullin e 10-të radhazi të Bundesligës.
“Është mirë të kemi qartësi për të gjitha palët. Kemi arritur një marrëveshje verbale me Barcelonën”, ka thënë presidenti i Bayernit, Herbert Hainer.
“Robert është një lojtar i jashtëzakonshëm dhe ai fitoi gjithçka me ne. Ne i jemi tepër mirënjohës atij”, ka shtuar ai.
Ai iu bashkua Bayernit në një transferim të lirë nga Borussia Dortmund në vitin 2014 dhe ka shënuar 344 herë në 374 ndeshje për klubin, duke e bërë atë golashënuesin e dytë më të mirë të të gjitha kohërave pas Gerd Muller.
Polaku ka fituar ligën në të tetë sezonet e tij në Bayern dhe gjithashtu ka ndihmuar bavarezët të fitojnë Ligën e Kampionëve në 2019-2020.