Milorad Dodik, presidenti i Republika Srpska, entiteti serb në Bosnje-Hercegovinë, ndodhet të martën e 23 majit në Moskë.
Dodik është duke marrë pjesë në një takim biznesi të Bashkimit Ekonomik Euroaziatik, një bllok i vogël i ish-shteteve sovjetike të dominuar nga Rusia dhe pritet të takohet me Vladimir Putinin, raporton The economist esspreso, përcjell Dukagjini.
Dodik favorizon lidhjet me Rusinë, në vend të atyre me Bashkimin Evropian. Sepse, ai deri më tani e ka penguar Bosnjën të vendosë sanksione ndaj Rusisë. Veprimet e tij i kanë kushtuar me miq në Perëndim.
Dodik është nën sanksione britanike dhe amerikane për korrupsion të dyshuar, të cilin ai e mohon, dhe për kërcënimin e stabilitetit rajonal.
Megjithatë, asnjë nga këto nuk e rrezikon kandidaturën e Bosnjës në BE, sepse Dodik tani është kaq i izoluar.
Ai po shkon në Moskë për të treguar se ka ende një mik të rëndësishëm. Dodik dhe Putin mund të diskutojnë ndërtimin e një gazsjellësi të veçantë nga Rusia në Republikën Srpska përmes Serbisë. Kjo do të ndihmonte t’i jepte pjesës serbe të pavarësisë energjetike të Bosnjës nga pjesa tjetër e saj, duke i bërë më të arritshme ambiciet secesioniste të Dodikut.