Kuvendi i Kosovës ka miratuar të enjten projektligjin për çmimin e produkteve medicinale, i cili parasheh që çmimi i barnave të jetë i njëjtë në çdo barnatore.
Ministri i Shëndetësisë, Arben Vitia, ka falënderuar të gjithë deputetët për punën e tyre të palodhshme në hartimin dhe miratimin e këtij ligji.
Ministri Vitia ka shprehur bindjen se ky ligj do të sjellë një epokë të re në mbrojtjen e qytetarëve nga abuzimet me çmimet e barnave.
Ai gjithashtu ka shtuar se megjithëse ka ende shumë punë për t’u bërë deri në implementimin e plotë të këtij ligji, ata janë gati për ta zbatuar atë pa asnjë vonesë.
“Sot Kuvendi i Republikës votoi Ligjin për çmimin e produkteve medicinale. Falënderime të gjithë deputetëve, të cilët me përkushtim të jashtëzakonshëm punuan që ky ligj të bëhet sot realitet. Të dashur qytetarë, me këtë ligj nisim një epokë të re për ta mbrojtur secilin prej jush nga abuzimet me çmimet e barnave”, ka shkruar ai në Facebook.
Ndërkaq, ditë më parë, kryeministri i vendit, Albin Kurti, ka thënë se qeveria e tij po e përmbush premtimin për rritjen e numrit të inspektorëve shëndetësorë në vend.
Kryeministri i Kosovës, Albin Kurti, një ditë më parë, ka njoftuar se numri i inspektorëve shëndetësorë në vend do të rritet.
Kryeministri Kurti ka konfirmuar se aktualisht në Kosovë ka vetëm 12 inspektorë shëndetësorë dhe se ky numër do të rritet në 25.
Më tej, ai ka shpjeguar se kjo rritje do të trefishojë numrin e inspektorëve shëndetësorë në vend, duke arritur në totalin prej 37.
Po ashtu, ai nëpërmjet një postimi në rrjetin social Facebook, ka bërë thirrje për aplikim të të gjithë të kualifikuarve për të konkurruar për këtë pozitë.