Pas miratimit me procedurë të përshpejtuar të shqyrtimit të projektligjit për huanë prej 302 milionë dollarësh nga Shtetet e Bashkuara për pajisje ushtarake, deputetëve u është vënë në dispozicion kopja e marrëveshjes për t’u njohur me përmbajtjen e saj para seancës së paraparë të mbahet sot në orën 15:00.
Bëhet fjalë për një dokument të klasifikuar, për të cilin deputetët duhet të nënshkruajnë deklaratë konfidencialiteti, në përputhje me rregullat në fuqi, përpara se ta lexojnë.
Ndërkohë, Partia Demokratike ka publikuar një video, për të cilën pretendon se shfaq deputetin Agron Shehaj duke hyrë në ambientin ku ishte vendosur dokumenti, duke marrë kopjen e marrëveshjes dhe duke u larguar menjëherë prej aty.
Lidhur me këtë video dhe pretendimet e ngritura, deri më tani nuk ka pasur një reagim publik nga Agron Shehaj.