Limaj kritikon opozitën: S’kanë shpjegime përveç mospajtimit

Fatmir Limaj, kryetari i Nismës Socialdemokrate, ka kritikuar partitë opozitare për mungesën e shpjegimeve në ndarjen e tyre me Qeverinë e Kosovës

Kryetari i Nismës Socialdemokrate, Fatmir Limaj, në emisionin Debat Plus.

Kryetari i Nismës Socialdemokrate, Fatmir Limaj, ka kritikuar partitë opozitare për reagimet e tyre ndaj situatës politike në Kosovë.

Limaj ka vënë në dyshim deklarimet e opozitës, duke pyetur se çfarë shpjegimi kanë ata për qytetarët përveçse të mos pajtohen. Ai e ka vlerësuar këtë si një mangësi në përkushtimin e tyre për t’i shpjeguar qytetarëve pse ata qëndrojnë kundër politikave të qeverisë aktuale.

Ai ka kritikuar opozitën për sjelljen e tyre që, sipas tij, temë kryesore është prishja e shtetit më shumë se marrëdhënia e Kosovës me komunitetin ndërkombëtar.

Sipas tij, ndërkombëtarët po thonë se procesi i Kosovës po prishet, duke krahasuar këtë situatë me prishjen e shtëpisë së vendit.

Limaj ka thënë se kryesorja nuk është nëse ndërkombëtarët po flasin apo jo, sipas tij, ata po tregojnë se “është duke u kall shtëpia”,

“Qytetarët e Kosovës gati janë duke u bërë indiferent nga sjellja e kësaj politike. Detyra e opozitës është me ngjallë me dhënë shpjegime, cili është shpjegimi i tyre? Çfarë shpjegimi kanë, përveç nuk pajtohen, dhe po na prishin marrëdhëniet me ndërkombëtarët edhe mbaroi filmi. Ti çfarë roli ki, çfarë po bën ti që mos të prishën marrëdhëniet e Kosovës me ndërkombëtarët”, ka deklaruar ai në Debat Plus.

“Kryeministri ka mendimin e vet, por me dal me thënë që ne jemi ndryshe, dhe jo me dy fjalë që po na prishin marrëdhëniet. Pasi është ndërkombëtarët po thonë se është duke u prishur procesi i Kosovës, janë duke thënë se është duke u prishur shtëpia juaj mos keni gajle ju me neve, por po prishet vendi i juaj. Shqetësimi kryesor është a po na flet apo jo ndërkombëtari, ai po thotë është duke u kall shtëpia”, ka thënë tutje ai në Debat Plus.

Ai ka shprehur shqetësimin se ndarja dhe mosmarrëveshjet brenda opozitës dhe Qeverisë po i japin mundësi kundërshtarëve politikë, siç është presidenti serb, Aleksandër Vuçiq, për të përfituar dhe për të shkatërruar marrëdhëniet e Kosovës me komunitetin ndërkombëtar.

Limaj ka deklaruar se opozita duhet të jetë më aktive në ofrimin e shpjegimeve dhe në komunikimin e qartë me qytetarët dhe ndërkombëtarët.

Shija e redaktorit

Sulmuesi i përfaqësueses së Kosovës Muhamet Hyseni zyrtarizohet tek AC...

Të verdhit e rrezikshëm siç njihen në futbollin danez “AC Horsens” kanë arritur të bëjnë goditje të rëndësishme për afatin e ri kalimtar të...

Fermeri 74 vjeçar i shtëpisë së të moshuarve e funksionalizon...

Domate, speca, tranguj, kunguj e plot lloje të tjera perimesh janë të gjeturat e stinës në këtë serrë, mu në zemër të kryeqytetit. Ajo gjendet...

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Të fundit nga rubrika