Lionel Messi me golin e papritur kalon në epërsi Argjentinën





Lionel Messi ka shënuar golin e parë në Katar për Argjentinën kundër Meksikës.

Goli u shënua në minutën e 64-të, dhe tashmë rezultati është 1:0 për Kombëtaren e Argjentinës.

Nëse rezultati do të vazhdoj me fitore për argjentinasit, ata do të renditen në pozitën e dytë të Grupit C, pas Polonisë.

Por, nëse rezultati ndryshon dhe Argjentina nuk arrin fitoren e ndeshjes ndaj Meksikës, atëherë do të jetë e fundit në grup dhe në prag të eliminimit nga Kampionati Botëror.

Në pjesën e dytë, me karton të verdhë u ndëshkua lojtari i Meksikës, Erick Gutierrrez, në minutën e 50-të, pasi u Messi u faullua nga ai.

Po ashtu, mesfushori meksikan, Hector Herrera është ndëshkuar me karton të verdhë në pjesën e dytë të ndeshjes në minutën e 66-të.

Meksika e kishte filluar më mirë ndeshjen me Argjentinën që dukej shqetësuese në 30 minutat e para, pasi kishte bërë pesë ndryshime ndaj skuadrës që humbi kundër Arabisë Saudite.

Argjentinasit në pjesën e parë kanë mbajtur shumë më shumë topin, por deri në 45 minutat e fundit nuk kanë arritur ta godasin rrjetën e Meksikës.

Pra, Kombëtarja e Argjentinës duhet të shmangë humbjen ndaj Meksikës për të mos u bërë skuadra e dytë e eliminuar nga Botërori i këtij viti.

Meksika ka vetëm një pikë, ndërsa, Polonia mposhti 2:0 Arabinë Saudite, dhe tashmë kryeson me katër pikë në Grupin C. Arabia Saudite ka tre pikë dhe zë vendin e tretë në grup para argjentinasve.





Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika