Liri më të madhe të lëvizjes apo tensione – çfarë mund të sjellë hapja e Urës së Ibrit?

Rikthimi i temës për mundësinë e hapjes së urës së Ibrit në Mitrovicë për qarkullim të veturave ka nxitur reagime nga ndërkombëtarët. Ndërsa njohës e çështjeve të sigurisë thonë se nëse ura hapej do të mund të kishte tensione, por sipas tyre, ato do të kontrolloheshin nga institucionet e sigurisë

Mbi urën e lumit Ibër që simbolizon ndarjen e jugut dhe veriut të Mitrovicës njerëzit kalojnë lirshëm e pa pengesa.

Por kjo urë nuk mundëson edhe lëvizjen e veturave, andaj paralajmërimi i hapjes së plotë nuk u pëlqeu ndërkombëtarëve, të cilët tërthorazi lanë të kuptohet se pa një dakordim në dialogun e Brukselit mund të nxiteshin tensione.

Edhe në Kosovë dikush ashtu po thotë. Hysen Gecaj, njohës i çështjeve të sigurisë vlerëson se hapja e asaj ure do të krijonte një krizë të re të sigurisë në veri.

“Tani se si do të manifestohet me aktivitete të ndryshme të dhunshme dhe sa do të jenë ato të dhunshme është çështje tjetër dhe e diskutueshme mirëpo se situata është tensionuar dhe mund të jetë edhe më e tensionuar sigurisht që po”, ka thënë njohësi i sigurisë Hysen Gecaj.

Qëndrim tjetër ka Drizan Shala, njohësi tjetër i kësaj fushe, i cili vlerëson se ky veprim nuk mund të shkaktonte trazira si në të kaluarën.

“Hapja e Urës se Ibrit apo urës historike që ka nda qytetin në dy pjesë padyshim në nivelin politik do të pasojë reagime të ashpra të cilat janë në vazhdën e përditshme të retorikës së faktorit ndërkombëtar, në aspektin e sigurisë dihet që me vendosjen e policisë dhe vendosjen e nivelit lokal gjërat kanë marrë trajektoren pozitive dhe nuk pres ndonjë incident që mund të përshkallëzoj situatën e sigurisë”, është shprehur Shala.

Për ta hapur këtë urë janë bërë shumë përpjekje, ndërsa në Bruksel janë arritur edhe marrëveshje, por pa sukses.

Në prill të 2023-s, Kuvendi i Komunës së Mitrovicës Veriore kishte marrë vendim për hapjen e urës. Zyrtarë të Qeverisë presin që deri në vjeshtë ky vendim të zbatohet.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika