Ministri I Mjedisit, Planifikimit Hapësinor dhe Infrastrukturës, Liburn Aliu, ka bërë të ditur se tuneli i bllokuar afër pendës së liqenit të Ujmanit për një kohë të shkurtë është arritur të lirohet për qarkullimin.
Aliu tha se si ministri janë duke shqyrtuar mundësinë që në objekte të infrastrukturës kritike siç janë tunelet, të gjejnë zgjidhje tjera në rast të bllokimeve.
“Bllokimi i tunelit afër pendës së liqenit të Ujmanit ishte një nga problemet që kemi hasur, dhe për një kohë shumë të shkurtër kemi arritur që ta lirojmë për qarkullim. Si Ministri e Mjedisit, Planifikimit Hapësinor dhe Infrastrukturës, po shqyrtojmë mundësinë që në objekte të infrastrukturës kritike siç janë tunelet, të gjejmë zgjidhje tjera në rast të bllokimeve të tilla, potencialisht të funksionalizojmë bypaset e rrugëve ekzistuese dhe po ashtu ndërtimin e rrugëve të reja”, ka shkaru Aliu në Facebook.