Ish-komandanti i Zonës Operative të Llapit, Rrustem Mustafa – Remi, pak minuta më parë është liruar nga EULEX.

Lajmin e ka bërë të ditur gazetari Venhar Isufi.

Sipas tij, Remi ka thënë se vetëm telefonin ia kanë marrë, asgjë tjetër.

Ish-komandanti i Zonës Operative të Llapit, Rrustem Mustafa, ishte shoqëruar nga Dhomat e Specializuara të Kosovës pak çaste më parë.

Sipas familjarëve të ish-komandant Remit, për RTV Dukagjini kanë thënë se ai është shoqëruar nga EULEX-i, por nuk dihen saktë arsyet, por se dyshojnë se ka të bëjë me dëshmitë shtesë në procesin që po zhvillohet në Hagë ndaj krerëve të UÇK-së.

Dy muaj më parë, Rrrustem Mustafa kishte përfunduar dëshminë e tij në Hagë.

Remi pati thënë se për të ka qenë shumë e rëndë ndjesia të ketë përballë bashkëluftëtarët e tij me akuza të padrejta. Asnjë shpifje ndaj UÇK-së, nuk mund ta zhbëjë katrahurën që shkaktoi politika kriminale e një regjimi kishte deklaruar ai.