Lista Serbe të enjten u ka dërguar letër ambasadorëve të QUINT-it, në kundërshtim të vendimit të Qeverisë së Kosovës për shpronësimin në Leposaviq.
Në njoftimin e tyre thuhet se pronarëve serbë po u sekuestrohen pronat në mënyrë të paligjshme nga shteti i Kosovës.
“Letra tregon qartë shkeljen e të gjitha rregullave ligjore që rregullojnë çështjen e shpronësimit dhe se kjo procedurë është e papranueshme për pronarët e patundshmërive dhe popullin serb që jeton në veri të Kosovës”, thuhet në reagimin e Listës Serbe.
Qeveria në mbledhjen e mbajtur më 16 janar të këtij viti ka miratuar vendimin “për shpalljen me interes të veçantë publik të pronave të paluajtshme të cilat janë të nevojshme për realizimin e “Projekteve Infrastrukturore për Interes Publik”, Zonat Kadastrale: Dren dhe Leshak, Komuna Leposaviq”.