Kryetari i Listës Serbe, Goran Rakiq, u ka kërkuar qytetarëve serbë që që të mundësojnë lëvizjen e KFOR-it dhe EULEX-it sepse prania e tyre është në përputhje me marrëveshjet ndërkombëtare të miratuara më parë.
Por ai ka kërkuar që që të parandalohet çdo ndërhyrje policisë së Kosovës në veri të Kosovës, dhe që të lirohen të gjithë qytetarët serbë që janë arrestuar.
“…ne dëshirojmë që bashkëqytetarët tanë të arrestuar të lirohen, sepse të gjithë e dinë se këto janë akuza të montuara, por gjithashtu kërkojmë që të parandalohet çdo ndërhyrje e policisë së Kosovës apo e njësive të tjera në veri të Kosovës. U bëj thirrje qytetarëve që të mundësojnë lëvizjen e KFOR-it dhe EULEX-it sepse prania e tyre është në përputhje me marrëveshjet ndërkombëtare të miratuara më parë”, ka thënë Rakiq.
Ai ka shtuar se “Në emër të Listës Serbe dhe emrit tim personal i ftoj të gjithë qytetarët në paqe dhe vetëpërmbajtje. Të mos biem pas provokimeve”.
Rakiq theksoi ka nevojë për paqe dhe dialog të vazhdueshëm.
“Ne të gjithë kemi nevojë për paqe dhe dialog të vazhdueshëm për t’u dhënë hapësirë negociatorëve që do të arrinin zgjidhjen e kësaj situate me dialog dhe jo me lëvizje të njëanshme”, ka shtuar Rakiq.