Lista Serbe ka kërkuar nga qytetarët serbë të veriut të mos i sulmojnë trupat e KFOR-it.

Ata kanë dalë me një komunikatë pas raportimeve se ushtarët e KFOR-it janë sulmuar në Zveçan, duke thënë se kanë dalë në vend të ngjarjes dhe se e kanë kuptuar se “me shumë gjasë ka qenë ndonjë fishekzjarr”.

Në reagimin e tyre thuhet se kushdo që i sulmon ushtarët e KFOR-it punon kundër interesave të popullit serb.

Megjithatë, ditë më parë, protestuesit serbë i kishin sulmuar trupat e KFOR-it, duke i lënë rreth 30 të lënduar, disa edhe shumë rëndë.

Sulmet ishin bërë me shufra metali, koktej molotovi e gurë.