Kryetari i Drenasit, Ramiz Lladrovci, të enjten e 12 dhjetorit ka liruar nga puna dy drejtorë të drejtorive komunale, kështu ka njoftuar Komuna e Drenasit përmes një postimi në rrjetin social Facebook.
Të liruarit nga puna janë Ruzhdi Lestrani dhe Egzona Jetullahu-Gjoshi, që sipas Lladrovcit janë liruar me qëllim që të ngritet përformanca dhe efikasiteti i kabinetit të tij.
“Më qëllim të ngritjes se performancës dhe efikasitetit të Kabinetit tim, kam marrë vendim për lirim nga detyra e dy drejtorëve të drejtorive, z. Ruzhdi Lestrani dhe znj. Egzona Jetullahu-Gjoshi. I falënderova për bashkëpunimin dhe urova suksese në punën e tyre të mëtejme.Ky vendim nuk ishte i lehtë, sepse, me vite kemi punuar e bashkëpunuar për të qenë komuna më e mirë në performancën komunale. Së shpejti, do të marr vendim për plotësimin e vendeve të lira në Kabinetin tim, për të vijuar me sukses qeverisjen dhe duke zbatuar premtimet e dhëna para qytetarëve”, ka thënë kryetari Lladrovci.