Nexhat Llumnica nga Sindikata e Re e KEK-ut ka kërkuar nga institucionet e Kosovës që të mos tenderohet jashtëligjshëm departamenti i punëtorëve fizikë të KEK-ut.
Në “FIVE” të RTV Dukagjini, Lluminca ka deklaruar se pozita e tanishme VV kur ishte në opozitë, sa i përket tenderimit dhe huazimit të punëtorëve fizikë te KEK-ut, ka thënë se ka qenë e padrejtë dhe e jashtëligjshme, ndërsa tani nuk po ndërmarrin asgjë.
” Në vitin 2007 është tenderuar jashtëligjshëm ky departament i sigurimit fizik. Mirëpo, kjo qeveri që është në pushtet, atëherë ishte në opozitë, thoshte se ju keni të drejtë, dhe këta punëtorë kanë pasur shpresë te kjo qeveri që t’i kthejë në vendin e tyre. Po të ishte e padrejtë dhe e jashtëligjshme tenderimi i viteve të kaluara, atëherë është edhe tash”, ka thënë Llumnica.
Sipas tij, punëtorëve të sigurimit fizik po u shkelet dinjiteti.
“Ne kërkojmë të mos tenderohet ky departament jashtëligjshëm, është edhe interes i Kekut, edhe qeverisë, por edhe këtyre punëtorëve, sepse po të privatizohet prej huazimit është jashtëligjshëm. Këta punëtorë nuk kanë marrë asnjë aksion në kohën kur janë huazuar dhe nuk janë privatizuar”.
“Po kërkojmë një të drejtë ligjore. Pse të avancohen njerëzit apo oligarket në këtë aspekt, sepse kur të marrë vetëm dikush tenderin, përfiton vetëm ai person, pse të mos përfitojnë punëtorët, shoqëria”, ka përfunduar Llumnica nga Sindikata e Re e KEK-ut.