Regjisorja dhe aktorja kosovare me famë ndërkombëtare, Luana Bajrami, është ngjitur në skenën e ceremonisë prestigjioze Academy Awards (Oscars), bashkë me ekipin e filmit të saj të ri Two People Exchanging Saliva, për të pranuar çmimin “Filmi më i mirë i shkurtër (live-action)”.
Gjatë pranimit të çmimit, kur u përmend prejardhja e pjesëmarrësve në film, Bajrami u përshkrua si aktore nga Kosova.
Ata theksuan se filmi është realizuar nga një ekip ku shumica janë gra, duke e cilësuar projektin si një punë kolektive dhe të veçantë.
Bajrami, 25-vjeçare, ka lindur në Kosovë, por familja e saj është shpërngulur në Francë, ku ajo jeton aktualisht.
Në film, ajo interpreton rolin e Malaises, një gruaje të re në këtë film bardhë e zi, që është bashkëprodhim midis Francës dhe Shteteve të Bashkuara.
Filmi trajton temat e intimitetit dhe konsumizmit në një version distopian të Parisit, ku prekja romantike, përfshirë edhe puthjen, është e ndaluar dhe e dënueshme me vdekje.
Presidentja e Kosovës, Vjosa Osmani, e ka përgëzuar Bajramin dhe gjithë ekipin për këtë arritje të rëndësishme.