Lufta në Ukrainë: Të paktën 12 të vdekur nga sulmet ajrore ruse

Sulmi i parë raketor rus në kryeqytetin e Kievit në 51 ditë ka lënë të paktën 12 të vdekur. Sulme të kësaj natyre goditën edhe qytetet Kremenchuk dhe Poltava

Të paktën 12 persona kanë vdekur si pasojë e sulmeve ajrore ruse që kanë goditur qytetet në të gjithë Ukrainën, përfshirë kryeqytetin Kiev.

Dhjetë njerëz vdiqën në qytetin qendror të Umanit, pasi raketat goditën ndërtesat e banimit, thanë zyrtarët.

Një grua dhe vajza e saj trevjeçare u vranë në qytetin e Dnipro, sipas kryebashkiakut lokal.

Tre persona vdiqën në Uman, pasi raketat goditën ndërtesat e banimit, thanë zyrtarët. Një pallat nëntëkatësh atje është dëmtuar rëndë.

Sipas agjencisë së lajmeve Interfax, ka pasur edhe shpërthime në qytetet Kremenchuk dhe Poltava.

Në Kiev, 21 nga 23 raketa dhe dy dronë sulmues u rrëzuan nga sistemi i mbrojtjes ajrore të Ukrainës, thanë zyrtarët në një postim në Telegram.

Sipas raportimeve të BBC-së, kreu i administratës ushtarake të qytetit të Kievit tha se ky ishte sulmi i parë raketor rus në kryeqytet në 51 ditë.

Nuk ka raporte të menjëhershme për viktima civile në kryeqytet.

Sulmet vijnë pasi forcat ukrainase besohet se po përgatiten për një ofensivë ushtarake me pajisje të reja, duke përfshirë tanke, të furnizuara nga aleatët perëndimorë.

Rusia ka luftuar për të ecur përpara në një ofensivë dimërore, duke përfshirë një betejë 10-mujore për kontrollin e qytetit lindor të rëndësishëm strategjik të Bakhmut.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika