Ushtria ruse ka humbur gjysmën e efektivitetit të saj luftarak në luftë sipas forcave të armatosura britanike.
Forcat ruse kanë lënë eksploziv në termocentralin bërthamor në Zaporizhzhia, sipas inteligjencës ukrainase, ka paralajmëruar presidenti ukrainas, Volodymyr Zelensky.
“Tani kemi informacion nga inteligjenca jonë se trupat ruse kanë vendosur objekte që ngjasojnë me eksploziv në çatinë e disa njësive të energjisë të termocentralit bërthamor Zaporizhzhia. Ndoshta për të simuluar një sulm ndaj uzinës”, tha presidenti ukrainas mbrëmë në fjalimin e tij.
“Ndoshta ata kanë ndonjë skenar tjetër. Por, në çdo rast, bota e sheh dhe nuk mund të mos shohë, pasi i vetmi burim rreziku për centralin bërthamor të Zaporizhzhia është Rusia dhe askush tjetër”, tha ai ndër të tjera.
Rusia ka kontrolluar këtë termocentral bërthamor për 16 muaj rresht, që nga fillimi i luftës në Ukrainë dhe njihet si impianti më i madh i tillë në Evropë.
Ndër të tjera, agjencitë e OKB-së vazhdimisht u bëjnë thirrje të dyja palëve të shkëputen nga zona të tilla, pasi këto impiante rrezikojnë një fatkeqësi të madhe bërthamore.
Kjo vjen pasi ushtria ruse ka humbur gjysmën e efektivitetit të saj luftarak që nga fillimi i pushtimit të Ukrainës sipas admiralit Tony Radakin.
Ndërsa, zëvendësministrja e Mbrojtjes e Ukrainës, Hanna Maliar, bëri të ditur se forcat e vendit po përparojnë çdo ditë në zonat jashtë Bakhmutit, raporton The Indepedent, transmeton Portali Dukagjini.