Lumir Abdixhiku e pret në takim deputeten Duda Balje

Kryetari i Lidhjes Demokratike të Kosovës, Lumir Abdixhiku, të martën është takuar me deputeten e Kuvendit të Kosovës, Duda Balje

Kryetari i Lidhjes Demokratike të Kosovës, Lumir Abdixhiku të martën është takuar me deputeten e Kuvendit të Kosovës, Duda Balje





Kryetari i Lidhjes Demokratike të Kosovës, Lumir Abdixhiku, të martën e ka pritur në takim deputeten e Kuvendit të Kosovës, Duda Balje.

Sipas njoftimit të LDK-së, Abdixhiku dhe Balje kanë diskutuar në lidhje me situatën politike në vend si dhe për thellimin e bashkëpunimit mes LDK-së dhe SDU-së.

“Gjatë këtij takimi, kryetari Abdixhiku vlerësoi lart kontributin e komunitetit boshnjak në proceset shtetndërtuese të Kosovës, ku shtoi se duhet të vazhdojmë të punojmë fuqishëm për përmirësimin e kushteve për të gjithë qytetarët e Kosovës pa përjashtim”, thuhet në njoftimin e LDK-së.

Ndryshe, para disa javësh, deputetja Duda Balje i kishte acaruar raportet me disa nga deputetët e Lëvizjes Vetëvendosje.

Deputeti nga radhët e LVV-së, Haki Abazi, kishte kërkuar që Balje të largohet nga Komisioni për të Drejtat e Njeriut, sepse sipas tij deputetja në fjalë kishte shumë mungesa pa arsye.

Aty ishte krijuar konflikti, ku Balje e kishte akuzuar partinë në pushtet duke thënë se po tenton që ta detyrojë atë të votojë në mënyrën si ata dëshirojnë.

Balje kishte theksuar se jo gjithmonë do të votojë sipas kërkesave të partisë në pushtet, edhe pse është në koalicion me ta.





Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika