Kryetarja e Forumit të Gruas së Lidhjes Demokratike të Kosovës, Jehona Lushaku-Sadriu, ka thënë se bota është kthyer kundër Kosovës dhe kjo sipas saj, për fajin e qeverisë.
“Masat ndëshkuese ndaj Kosovës janë alarm dhe dëshmi se veprimet e Qeverisë Kurti nuk janë të duhurat. Arsyetimet dhe e drejta nuk janë argumente më, bota është kthyer kundër shtetit tonë! Këto veprime kanë unifikuar botën perëndimore kundër nesh. Por, edhe përtej”, ka thënë Lushalu-Sadriu.
Sipas saj, ndëshkimi që do të na faturohet “do të prek shtetin tonë, secilin qytetar; do të prekë qeverinë edhe vet kryeministrin”.
“Do të hyjmë në listën e të sanksionuarve të botës demokratike, ku rendi e ligji janë sinonimi i shtetit e sovranitetit. Në vend se të na prezantohet rruga drejt afrimit me BE, po na prezantohet lista e ndëshkimeve për shtetin tonë!”, ka shtuar ajo.
Ajo ka theksuar se kjo është “humbja më e madhe” që ka njohur shteti i Kosovës.