Mërgim Lushtaku nga radhët e Partisë Demokratike të Kosovës ka thënë se Projektligji për mbështetjen e punëve publike t’i rikthehet Qeverisë së Kosovës, ashtu që i njëjti të analizohet dhe të rikthehet në rishqyrtim.
Në seancën plenare të Kuvendit të Kosovës, Lushtaku ka thënë se Projektligji për mbështetjen e punëve publike do të duhej të ishte më herët prezent në foltoren e Kuvendit të Kosovës për t’u miratuar.
“Është dashur të vijë më herët në Kuvend për t’u miratuar duke pasur parasysh nivelin e lartë të inflacionit”, ka deklaruar ai, duke theksuar se mënyra e hartimit të tij hap mundësi për probleme buxhetore dhe keqpërdorim të buxhetit.
Krahas votimit të tij, Lushtaku ka dhënë një propozim.
“Propozoj që projektligji t’i rikthehet Qeverisë, të propozohet kostoja buxhetore dhe të rikthehet për shqyrtim, të bëhet një ligj i zbatueshëm për vendin”, ka deklaruar ai.