Deputeti nga radhët e Partisë Demokratike të Kosovës (PDK), Mërgim Lushtaku, në seancën e 7 tetorit në Kuvendin e Kosovës ia ka vendosur një infuzion kryeministrit të Kosovës, Albin Kurti, duke thënë se “Qeverisë Kurti i ka humbur rruga në oborr”.
Lushtaku ka përmendur dorëheqjen e Rifat Latifit nga pozita e ministrit të Shëndetësisë, gjersa ka shtuar se gjendja në shëndetësi është e rëndë, me mungesë të barnave nga lista esenciale.
“Një infuzion ia vendosa sot për shkak qe qeveria është aq e dobët, sa nuk po qëndron dot në këmbë. Duke parë dhe paaftësinë në përgjithësi të Qeverisë, më së miri do të ishte dorëheqja e kryeministrit, sepse po dështon në çdo sferë të jetës”, ka shkruar Lushtaku në Facebook.
