Deputeti i PDK-së, Mërgim Lushatu, ka kritikuar Qeverinë e Kosovës dhe partinë në pushtet, Lëvizjen Vetëvendosje.
Lushtaku ka thënë se “Qeveria zdraVo”, e ka vendin në Beograd, duke iu referuar disa përgjimeve ku është e përfshirë shefja e Grupit Parlamentar të VV-së, Mimoza Kusari – Lila.
“Këto ditë, pushtetarëve u doli në shesh bashkëpunimi i tyre me strukturat kriminale serbe dhe është e natyrshme që të tillët Radojçiçin e quajnë partner, ndërsa partnerët ndërkombëtar që na ndihmuan në çlirim të vendit i cilësojnë si të padëshirueshëm e naiv. Nga fëlliqësia që i ka kapluar, manipuluesit janë shfrenuar dhe tentojnë të prodhojnë situata e kriza të ndryshme për ta larguar vëmendjen e popullit nga problemet reale, që nga çmimet e produkteve elementare e deri tek poshtrimi dhe dhunimi i sovranitetit dhe humbja e aleateve strategjik”, ka shkruar në Facebook Lushtaku.
Sipas tij, populli do të zgjohet dhe nuk do të lejojë “zhbërjen shtetit”.
“Pak nga fëlliqësia e tyre u shpërfaq edhe në mëngjesin e sotëm, pasi u arrestuan dy funksionar të qeverisë zdraVo të dyshuar për korrupsion, e të njejtëve iu sekuestruan rreth 60 mijë euro. Populli i Kosovës do të zgjohet dhe nuk do ta lejoj zhbërjen e shtetit dhe akomodimin e interesave e Radojçiçit e Vuçiçit”, ka shtuar Lushtaku.