Gjatë vizitës në Ukrainë, presidenti francez Emmanuel Macron, ka thënë se nuk do të shkojë në Rusi pa “parakushte”, siç është një “sinjal” nga presidenti ruse, Vladimir Putin, raporton CNN.
“Nuk do të shkoj siç është gjendja kështu”, tha presidenti francez gjatë një interviste për televisionin francez, TF1 nga Kievi.
Macron tutje është shprehur se do të vazhdojë të angazhohet me Putinin për çështje humanitare, duke përfshirë të burgosurit dhe sigurinë ushqimore.
Ai beson se marrëdhënia e tij me presidentin ukrainas Volodymyr Zelenskyy, nuk ka ndryshuar shkaku i dialogut me Putinin.
“Nuk mendoj se mund të themi se marrëdhënia jonë është ftohur. Franca ka mbajtur të njëjtin qëndrim”, shtoi Macron.