Kombëtarja e Argjentinës ka kaluar në çerekfinale, pasi ka mposhtur Australinë me rezultat 2:1.
Pas aksioneve të papërballueshme ndaj australianëve, Argjentina në çerekfinale më 9 dhjetor duke filluar nga ora 20:00, do të takohet me Kombëtaren e Holandës.
Edhe pse Australia kishte ngushtuar epërsinë ndaj Argjentinës me golin e parë për rezultat 2:1, nuk arriti të barazoj rezultatin.
Golin i parë për Australinë e shënoi Craig Goodwin, në minutën e 77-të të pjesës së dytë.
Shumë papritur, argjentinasi Enzo Fernandes tërhoqi golin pas gjuajtjes së zëvendësuesit australian, Goodwin, dhe la portierin argjentinas, Emi Martinez të bllokuar.
Ndërsa, Argjentina rriti epërsinë me golin e Julian Alvarez, pas një gabimi të trishtë nga portieri australian, Mathew Ryan, në minutën e 57-të të pjesës së dytë.
Portieri i Australisë, Ryan tentoi të vraponte me topin brenda zonës së tij, duke lejuar Alvarez të gjuaj drejt portës së zbrazët.
Kombëtarja e Argjentinës me fitore ndaj Australisë, është në prag të kalimit në çerekfinale të Botërorit.
Goli i parë u shënua në minutën e 35-të, nga ylli argjentinas, Lionel Messi, i cili është duke bërë paraqitjen e tij të 1000-të në karrierë.